Search This Blog

Friday, May 20, 2011

كيكة النسكافيه والكروكان

كيكة النسكافيه والكروكان
المقادير: بسكوت ماري (أو بسكوت شاي عادي), علبة قشطة نستلة, 4 مغلفات كريمة دريم ويب,حليب سائل, نسكافيه, ماء ساخن, سكر, لوز (اللوز يللي بكون عليه قشرة بنية وحبة كملة ما بكون مقطع).
الطريقة: أخلطي القشطة مع مغلفين كريمة و زيدي شوية حليب يعني نص كاسة شاي صغيرة و ضيفي مغلفين الكريمة الي زادوا, تابعي الخفق و إذا حسيتيها جامدة زيدي نتوفة حليب. بس تخلصي حطيها بالتلاجة.
تاني شي بتجيبي كاسة كبيرة بتحطي معلقتين كبار نسكافيه وسكر شي 3 أو 4 أو 5 معلق صغار !! (طبعاً بيعتمد عليكم كيف بتحبو ) وبتزيدي ماء سخن وبتحركي. جيبي بايركس و بلشي غطسي البسكوت بالنسكافيه و رتبيه بالبايركس بس تخلصي أول طبقه أسكبي فوقها من خليط الكريمه (طبعا مو كل الكمية عشان تكفي الطبقات الأخرى) و عيدي العملية على قد ما بدك طبقات. اّخر طبقه لازم تكون كريمة. حطيه بالتلاجة تجمد.
الكروكان: بتجيبي مقلاة غير لاصقة حطي فيها فنجان كبير سكر و كمية من اللوز و حطيها على النار و حركيها. لازم السكر يصير كراميل و يدوب و يكون اللوز إنخلط معه منيح بس ديروا بالكم ينحرق اللوز.
حضري صحن بس مايكون بلاستيك المهم شي مايخرب من السخن, حطي عليه نتووووووفة زيت بطرف أصبعك و حطي الكراميل واللوز بهدا الصحن. بس يبرد بتشيليه من الصحن بطرف سكين(خلي حدا كبير يعمل هالخطوة بلاش تنجرحوا!!) و بعدين حطيهم بكيس نايلون و كسريهم بمدقة التوم. حاولي يضل قطع كبيرة عشان تحسوا بطعموا اللذيذ.
قبل ما تقدموا الطبق رشوا عليه الكروكان يللي عملتوا (السكر و اللوز)

No comments:

Post a Comment