طريقة وصفة عمل بوريك بالجبنة البيضا والرومى
المقادير
2كوب دقيق منخول
معلقتين سمنة سايحة او بدرجة حرارة الغرفة
معلقة صغيرة خميرة فورية
معلقة صغيرة سكر
نص معلقة صغيرة ملح
ذرة فلفل اسمر
بيضتين
ربع كوب لبن دافى
سمسم او حبة البركة(اختيارى)
الحشوة
جبنة رومى وزيتون – جبنة بيضا بالزعتر والزيت
الطريقة
هنضرب البيض ونشيل منة حبة صغيرين خالص عشان ندهن بيهم وش البوريك
هنحط الدقيق والخميرة والسكر والملح والسمنة فى طبق ونقلب كويس
وبعدين نضيف البيض وحبة البركة والفلفل الاسود ونقلب
هننزل عليهم باللبن شوية بشوية ونعجن لحد ماتبقى العجينة طرية ومبتلزقش
هنغطيها ونحطها تخمر فى مكان دافى لمدة نص ساعة كدة
هنهرس الجبنة ونحط عليها شوية زعتر وزيت ونقلبها كدة
هنقطع العجينة كور صغيرة خاااالص وناخد كل كورة نفردها كدة
ونحشيها حتة جبنة بيضا
او حتة رومى وزيتون اسود
ونقفلها كدة زى القطايف ونضغط على الاطراف كويس جدددددا بالشوكة
ونرصهم فى صينية مدهونة زيت بسيط
ونغطى عليهم ونسيبهم يخمروا نص ساعة كمان
وندهن وشهم بيض ونرش عليهم شوية حبة البركة
ودول اللى بالرومى والزيتون دهنتهم بيض بس ومرشتش حبة البركة عشان افرقهم عن الجبنة البيضا
وندخلهم الفرن السخن على 200 درجة لمدة ربع ساعة كدة
وتا تا تااااااااااااااا
