ابدائى يومك بدرى و يريت الفجر...و الله اليوم بيبقا كله بركه حتى لو نايمه الساعه واحده اتجهى لمقرك الرسمى بالمطبخ و ابتدى بالاعمال ايلى بتاخد وقت الاول او الاعمال ايلى مش هتعرفى تنجزيها و الاولاد صحيين لو هما صغيرين اوى المفروض يكون ا...لمطبخ رايق من الليله ايلى قبلها يعنى متكونيش نمتى و فى حاجه فى الحوض عموما لو المطبخ محتاج نضافه و فى غسيل هيتغسل...يبقى حطى الغسيل فى الغساله قبل ما تبتدى تعملى اى حاجه و على ما تخلصى تكون الغسله خلصت اغسلى الاطباق و كده ...خلصى المطبخ اول حاجه..لان المطبخ النظيف هيحمسك انك تكملى البيت بس متنسيش الجوانتى خلصتى المطبخ... ابتدى تحضير الاكل للغداء يعنى حضر الخضار اعصرى الطماطم تبلى الفرخه اى تجهيزات بس استنى متحطيش الاكل على النار...مجرد جهزى بس حضرى الفطار لولادك و زوجك و افطرى معاهم-فرصه استريحى- ووزعيهم على المدرسه او الحضانه ادخلى الحجرات كلها طلعى الفرش فى الهو بس خدى بالك لازم تعودى الاطفال انهم يرتبو السرير اول ما يصحو من النوم و انت بعد ما ينزلو تطلعيه فى الشمس بس عشان تبقى عاده حلوه فيهم و هنرجع للحجرات كمان شويه بس نخلص الصاله ادخلى المطبخ تانى و اعملى الغدا طبعا عمايل الغدا هتبقى اسهل كتير لانك محضره كل حاجه و المطبخ نظيف حطى الاكل على النار ووطى عليه طلعى الغسيل من الغساله و نشريه قبل ما الجو يحرر ادخلى المطبخ تانى و نضفى مره تانى مكان عمايل الغد سيبى الرز قبل معاد الغذاء عشان يبقى سخن و حلو مع انى انا بعمله اول حاجه الصبح بس طبعا كل واحد حسب ظروفه المطبخ نظيف و الغسيل اتنشر اعدى بكوباية الشاى و طبقى الغسيل ايلى لمتيه ابتدى تنظيف البيت من فوق لتحت...يعنى نفضى التراب من فوق لتحت دايما فكرى فى نفسك و ايه ايلى يريحك فى البيت هاتى ادوات نظافه تريحك و تسهل شغلك مش تنرفزك و تتعبك اكتر هاتى فرشه كبيره لتنظيف التراب من الشيش و زعافه بايد طويله للاسقف و هاتى سلم غالى و قوى يريحك ابتدى التنفيض من الصاله... اكنسى السجاده بالمكنسه الكهربا و لميها على جنب نفضى التراب من على التربيزات و الاثاث كله و بعدين امسحى الارض الجردل بالشرشوبه و العصاره الحديث ده مش بتاع زمان هايله هايله هايله و تنفع للبركيه و السيراميك شوية مايه بديتول و امسحى الارض ممكن تخليها مايه بجنيرال و شوية خل لو عندك سيراميك عشان يلمع استنى شويه لما الارض تنشف قبل ما ترجعى السجاده طبعا مسح الارض ده مش ضرورى كل يوم...بس يفضل لو فى اطفال روحى شوفى الاكل على النار ادخلى كل حجره و بردوا نفضيها من فوق لتحت ياعنى من السقف و النجف للحيط للارض و متنسيش الشبابيك و الزوايه و الاركان اكنسى السجاده امسحى الارض افرشى السراير اخر حاجه الحمامات و دى اكيد محتاجه نظافه يوميه فى منظفات كتير فى السوق للحمام و فى خلطات طبعا صحيه اكتر احسن منظف حمام و رحته جميله هو هاربيك الاخضر الغامق برائحة صنويبر الجبل و طبعا بعد كل ده هاتدخلى تاخدى دش دافى و سعتها ممكن تدعكى البانيو بالمره خلصتى البيت استريحى و نامى شويه و اصحى اهتمى بنفسك و بجمالك بعد الغدا اغسلى الاطباق على طول و متكسليش عشان يفضل المطبخ نظيف طبعا كل واحده تئقلم النظام ده على حايتها و ظروفها
No comments:
Post a Comment